Transcription
1
Reçue à Grenoble, le 20 mars 1573.
2
Monseigneur, dimenche dernier huictieme du present, monsieur
3
du Chasatellard vicenechal se retirat en ceste ville en congé
4
du sieur de Rosset causant une fiebvre acompaignée
5
d’ung pleuesie du costé droict. Despuis il a tenu le lict
6
comme faict encores. Ledit sieur vicesechal m’a laissa
7
à Loriol avec les archiers. Les soldartz font plusieurs
8maux aux granges circunvoysines de Loriol et y [barré : font ] vont
9
à trompe qu’on ne les en peult garder à faulte d’advivres.
10
Ledit sieur de Rosset m’a envoyé ce jourd’huy en ceste ville
11
à monsieur de Moydieu pour envoyer advivres, pouldre,
12
plomb et cordes pour lesditz soldatz. On ha treuvé
13
plusieurs espions au camp prisoniers audit Loriol
14
qu’on cognoit estre espions. Toutesfois on ne les en
15
peult convaincre, que faut dire que les ennemis tachent
16
descouvrir les forces dudit camp pour les surprendre
17
s’ilz en ont le moyen comme aussi le bruit en est
18
tel. Ceulx de la religion dudit Loriol se jouissent fort
19
et sont esté treuvés deferrés sur la minuict allant
20
d’une maison à aultre, et est fort dangereux s’y arrester
21
la nuict. Les lances s’accomodent aux granges près du bort
22
du Rosne et font sentinelle la nuict de quatre à quatre.
23
Les soldartz sont retranchés là où ilz ont leur corps de
24
garde près dudit bort du Rosne et leurs transchées atornent
25
une grange où il s’en retire partye à couvert. Il est à craindre
26
s’il n’y ha plus grandes forces, qu’ilz ne sont attacqués et
27
assallis par les ennemis, qui ont des basteaux prestz audit
28
Poulsin. Ledit sieur vicenechal a envoyé à Enconne pour recouvrer
29
des lemproyez qu’il n’a peu pour vous envoyer et vous en envera
30
[276v°] incontinent qu’on en pourra recouvrer. Et à tout prierey
31
Dieu,
32
Monseigneur, vous donner en sancté très heureuse
33
et longue vye. De Valence ; ce dixieme mars 1573.
34
Votre très humble
35
et très obeissant serviteur
36
Guilh[em] Corrier